إزاي تكتب CV بشكل احترافي للطلاب والخريجين

إزاي تكتب CV احترافي يشد انتباه الشركات؟ 

وفي وقت بقت فيه المنافسة على أي فرصة تدريب أو شغل شديدة جدًا، السيرة الذاتية (CV) بقت مش رفاهية... بل ضرورة.

كتير من الطلاب أو حديثي التخرج بيكونوا عندهم مهارات ومؤهلات قوية، لكن ما بيعرفوش يعرضوها صح. والنتيجة؟ الـ CV ما بيعديش حتى أول مرحلة من التقييم.

في المقال ده هتتعلم:

1. إزاي تعمل CV احترافي حتى لو معندكش خبرة
2. إزاي تتجنب الأخطاء اللي بتضيع فرصتك
3. وأخيرًا: هنهديك أقوى 2 قالب CV احترافي للطلاب – جاهزين للتعديل والتحميل المجاني

---

إيه هو الـ CV؟ وليه مهم أصلاً؟

الـ CV هو اختصار لـ Curriculum Vitae، يعني سجل مختصر لحياتك المهنية والتعليمية. الشركات بتعتمد عليه علشان تقرر هتتواصل معاك ولا لأ.

لو الـ CV بتاعك شكله عشوائي، أو المعلومات مش واضحة، أو مفيهوش الكلمات اللي بيدور عليها الـ HR... غالبًا مش هيكمل حتى 10 ثواني في إيده وكمان لازم لينكد ان يكون بشكل إحترافى ولو عايزتعرف أكتر عن LinkedIn وأهميته في بناء مستقبلك المهني اضغط هنا.                                                                                                                                                           وكتير بنسمع جملة ATS بس منعرفش معناها ودا اللى هنعرفوا فى الفقره الجاية .

---

يعني إيه ATS؟ وإزاي تعدي الفلتر ده؟

كتير من الشركات حاليًا بتستخدم ATS (Applicant Tracking System)، وده برنامج بيفلتر السير الذاتية ويقراها قبل ما توصل للـ HR أصلاً.
علشان تعدي الفلتر ده، لازم:

•  تستخدم كلمات مفتاحية (keywords) من وصف الوظيفة
•  تكتب بصيغة رسمية وواضحة
•  تبتعد عن التصميمات المعقدة اللي ممكن الـ ATS ما يقراهاش

---

إزاي تكتب CV قوي وانت لسه طالب أو خريج جديد؟

لو لسه في الكلية أو خريج جديد أشهر سؤال بتسأله لنفسك أكتب إيه فى cv ؟                                                                                   أكيد مش هتكتب خبرات شغل سنين اللى مش موجوده  لكن تقدر تكتب :

1. البيانات الشخصية 

•  الاسم بالكامل
•  رقم الموبايل
•  إيميل رسمي (زي: mohamed.ahmed@gmail.com)
•  لينكدإن لو عندك

2. الهدف المهني (Objective)

فقرة قصيرة توضح أنت مهاراتك إيه ومهتم بإيه وبتعرف تعمل إيه وإنت بتدور على إيه وإزاي تقدر تضيف قيمة للشركة اللي هتقدم عليها زى كدا مثلا 

 Mechanical engineering student with solid skills in design (SolidWorks, AutoCAD) and a strong  interest in maintenance and manufacturing. Seeking a growth-focused opportunity where I can apply my technical and problem-solving abilities to support real-world projects and add value to the engineering team.

3. التعليم (Education)

•  اسم الجامعة
•  الكلية + التخصص
•  السنة الدراسية أو سنة التخرج 
•  التقدير التراكمي (لو كويس)

4. المشاريع الجامعية (Projects)

خصوصًا لو فيها شغل جماعي أو استخدمت Tools مشهورة زي SolidWorks, MATLAB, أو Excel وأكتب حققتوا إيه بالأرقام 

5. الكورسات والشهادات (Courses)

•  سواء أونلاين (Coursera, Udemy, Edraak...) أو أوفلاين
•  اذكر اسم الكورس، الجهة، والتاريخ

6. الأنشطة الطلابية 

زي ASME, IEEE, ENACTUS, Resala،... اذكر دورك ومساهمتك فى التيم 

7. الخبرات والتدريبات

حتى لو تدريب صيفي بسيط، اذكر الشركة ووظيفتك إيه و المدة وإيه اللي اتعلمته زى كدا مثلا 

8. المهارات (Skills)

•  برامج التصميم
•  مهارات اللغة
•  المهارات الشخصية (زي التواصل، العمل الجماعي)

---

أشهر الأخطاء اللي الطلاب بيقعوا فيها في الـ CV

قبل ما نبص على القوالب، لازم نعرف إيه اللي ممكن يبوّظ CV كويس:

 1. التصميم العشوائي

CV شكله مش منظم أو فيه ألوان كتير، بيكون متعب للقراءة وكمان مش بنظام ATS .

2. معلومات ناقصة أو إيميل مش شغال

زي رقم موبايل مش شغال أو إيميل غريب زي (crazygamer@...) ويفضل انك تخليه لينك بحيث hr يضغط عليه يفتح الميل بتاعك زى كدا مثلا talentacquisition.hr@siemens.com (إيميل سيمنزاللى بيجيلى منو الريجيكت كل سنة )

3. كلمات عامة بدون تفاصيل

زي: "أحب العمل ضمن فريق" من غير ما تقول اشتغلت مع مين أو عملت إيه خلى الأفعال اللى انت عملتها تعبر عن الصفات دى بشكل غير مباشر

4. إضافة صورة فى cv

من أشهر الاخطاء وطالما فى وصف الوظيفة أو hr مطلبش صورة فى  cv مضفش .

5. أخطاء لغوية وإملائية

ودي من أسوأ الحاجات اللي ممكن تضيع فرصتك سهل على نفسك الموضوع وقول ل chat gpt صححلى الأخطاء . 

لو عايز تعرف أكتر عن CV وتصحح الأخطاء دى من خلال الفيديو دا :

---

حمل دلوقتي: أقوى 2 قالب CV مجاني للطلاب

علشان نسهل عليك الرحلة، جبنالك أقوى 2 قالب CV احترافي للطلاب وحديثي التخرج، يخلوا CV يعدى من ATS 

 القالب الأول: تصميم معتمد من جامعة هارفد

تقدر تحمله وتعدل عليه براحتك من خلال اللينك :  إضغط هنا للتحميل

 القالب الثاني: تصميم من جامعة MIT

تقدر تحمله وتعدل عليه براحتك من خلال اللينك : إضغط هنا للتحميل

ودا لينك موقع من أحسن المواقع اللى تقدر تعدل وتعمل عليها CV بشكل مجانى : اضغط هنا لفتح الموقع

---

 نصايح أخيرة تخلي CV ما يتنساش:

•  راجع الملف قبل ما تبعته وشيك على كل حاجة فيه 
•  اكتب دايما كل الحجات اللى عملتها بصيغة action verbs (أكتب لشات جبتى هيقترح عليك )
•  ابعت CV بصيغة PDF وأحيانا ناس بتعوزه word بس الأفضل pdf عشان مفيش حاجه تتحرك من مكانها  
•  سمي الملف باسمك الكامل والوظيفة اللى مقدم عليها  (زي: Mohamed Saif -Mechanical Engineer)
•  ركز على المهارات والكلمات اللي موجودة فى وصف التدريب أو الوظيفة وعدل CV على أساسها 
•  لو هتبعت CV على الميل متنساش تكتب معاه فقره بتعرف فيها عن نفسك وبتشكر hr وكدا 
•  الأفضل تتكلم بالأرقام يعنى كنت فى مسابقة حققت المركز الكام 

عشان يصلك كل جديد و تكون متابع كل الفرص أول بأول تابعونا من خلال مواقعنا :

اشترك في القناة عشان تستفاد من المحتوى اللي بنقدمه من خلال اللينك ده :  اشترك بالقناةSubscribe
دور على تخصصك و انضم لجروب الواتس من خلال اللينك ده :  اضغط هنا للإنضمام 
دور على تخصصك و تابع بيدج الفيس من خلال اللينك :   اضغط هنا للمتابعة 
دور على تخصصك و تابع بيدج الفيس من خلال اللينك ده : اضغط هنا للمتابعة 

---

مستني إيه؟ CV هو أول خطوة للوظيفة 

كتير من الطلاب عندهم المهارات، والشغف، والطموح، بس بيفشلوا يوصلوا ده للشركات علشان CV مش بيعكس صورتهم الحقيقية. متخليش مجهودك السنين اللي فاتت يضيع بسبب ورقة مكتوبة بسرعة.

لو وصلت لحد هنا، فإنت واخد الموضوع بجد، وده لوحده خطوة كبيرة في طريقك المهني